Мендеш: Роналдо ќе ја заврши кариерата во Јувентус!

Супер-агентот Жорге Мендеш повторно е во центарот на вниманието откао го договори трансферот на неговиот најпознат клиент од Реал Мадрид во Јувентус.

Трансферот на Роналдо вчера и официјално беше потврден од страна на двата клуба, а денес Мендеш конечно се огласи на таа тема.

„Сакам да изразиме максимално задоволство поради трансфер на Кристијано и неговата одлука да му се придружи на Јувентус. Тој е многу среќен што ќе игра за еден од најголемите клубови во светот и веќе одлучи каде ќе живее, се работи за убав пентхаус во срцето на Торино“, изјави Мендеш.

„Најверојатно Јувентус ќе биде последниот клуб на Кристиано и таму ќе ја заврши својата неверојатна кариера. Сакам да му се заблагодарам на претседателот Андреа Ањели за добрата соработка“, додаде Мендеш.