Итрите „ѓаволи“ сакаат да ја „сопнат“ најтрофејната фудбалска нација

Денес започнуваат четвртфиналните натпревари на Светското првенство, а во 20 часот во Казањ силите ќе ги одмерат двата големи фаворити, Бразил и Белгија.

Ова е дефинитивно дуел кој се чека со големо нетрпение, и е наречен финале пред финале, бидејќи за влез во финалето ќе се борат најголемиот и скријаниот фаворит на Мундијалот.

Историја и традиција

Ова е нивен петти меѓусебен дуел, а подобар резултат во досегашните четири средби имаат Бразилците, кои три пати славеа, за разлика од Белгијците, кои запишаа само една победа против Бразил. Ова ќе биде нивни втор дуел на Светско првенство, откако во 2002 година Бразил ја елиминира Белфија во осминафиналето со 2:0.

Сепак, поновата историја вели дека и Бразилците имаат проблеми со европските тимови, бидејќи на последните три Мундијали беа елиминирани токму од селекции од Европа. Меѓутоа, Белгија не може да се пофали со добри резултати против јужноамериканските селекции, бидејќи во последните четири натпревари запиша три порази.

Отсуството на Казимиро и „шупливата“ одбрана на Белгија

Радосна вест за Бразилците е враќањето на Марсело, кој поради повреда го пропушти мечот со Мексико, но лошо е тоа што до крајот на првенството поради повреда нема да игра десниот бек Данило. Сепак, многу поголеми главоболки на Тите може да му зададе отсуството на Казимиро, кој е суспендиран поради жолти картони. На негово место во стартниот состав ќе игра Фернандињо, но играчот на Реал Мадрид се покажа како незаменлив, бидејќи тој е човекот кој дава баланс на тимот. Неговото отсуство повеќе ќе се почувствува во дефанзивата, отколку во креирање на нападите.

Од друга страна пак слаба страна на Белгија е „шупливата“ одбрана, која покажа многу слабости. Таа денес ќе биде ставена на сериозен испит бидејќи против себе ќе го има можеби најсилниот и најбрз напад на Мундијалот. „Црвените ѓаволи“ знаат дека ако го започнат мечот како против Јапонија, тоа за нив ќе знаќи пакување на куферите.

Веројатни состави:

Бразил: Алисон, Фагнер, Тиаго Силва, Миранда, Марсело, Фернандињо, Паулињо, Кутињо, Нејмар, Жесус.

Белгија: Куртоа, Вертонген, Компани, Ајдервајлед, Чадли, Витсел, Де Брујне, Мение, Азар, Мертенс, Лукаку

Според букмејкерите Бразил е фаворит во овој дуел. Коефициентот за победа во Coinbet24 изнесува 2.07 за реми 3.35 додека за победа на Белгија коефициентот е 3.70

Обложувалницата Coinbet24 нуди специјална понуда за овој натпревар и можете да го изигарте без ризик, односно доколку промашите ќе ви бидат вратени парите. Понудата видете ја ТУКА.