Сите го избегнуваат прашањето Меси или Роналдо, само Лев секогаш го одговара

До почетокот на Светското првенство во Русија останаа уште само 19 дена, а подготовките за најголемиот спектакл во светот на фудбалот веќе започнаа.

Селекторот на актуелниот светски шампион, Германија, Јоаким Лев даде изјава за германските медиуми во која, измеѓу останатото, зборуваше за Роналдо и Меси. Лев одлучи да открие дека за него Меси е подобар од Роналдо.

„Ќе останам со претходното мислење дека Меси е подобар од Роналдо. Роналдо е сензационалец, голем професионалец и неверојатна гол машина со години, но едноставно Меси е најкомплетниот играч што некогаш сум го видел во мојот живот“, изјави Лев и додаде:

„Асистенциите на Меси се генијални и последните десет сезони секоја година постигнува околу 50 гола, но исто така има барем 30 асистенции што за мене е неверојатно. Да бидеш комплетен мораш да имаш повеќе од постигнати голови“.