Паје може да го пропушти Светското првенство

Ѕвездата на Олимпик Марсеј и француската репрезентација, Димитри Паје може да го пропушти Светското првенство поради повреда.

Паје се здоби со повреда на бутниот мускул во синоќешното финале од Лига Европа и беше принудно заменет после половина час игра.

Плејмејкерот го напушти теренот во Лион со солзи, а неговиот тим на крајот загуби со 3:0.

Паје одигра феноменална сезона во која постигна 10 гола и запиша 24 асистенции и сигурно ќе беше во списокот на селекторот Дешамп.

Сега се очекуваат деталните перегледи да се види сериозноста на повреданата, но медиумите во Франција се загрижени и тврдат дека голема е веројатноста да го пропушти Светското првенство.