Монако по дебакалот во Париз им ги враќа парите на навивачите

Фудбалерите на Монако на гостувањето против ПСЖ во 33. коло од француската Лига 1 доживеаа дебакл.

Тимот од Кнежевството загуби со 7:1, па така ПСЖ и официјално ја обезбеди титулата, но клубот од југот сепак реши некако да ги „утеши“ навивачите кои го гледаа дебакалот на самото место.

Како што соопшти Монако, сите оние, кои дојдоа во Париз на натпреварот и кои се наоѓаа на „Паркот на принцовите“, ќе им се вратат парите во висина на цената на влезницата на стадионот.

„Монако одлучи да ги врати парите на црвено-белите кои вечерва беа на гостинската трибина“, соопштија од Монако.

Пет кола пред крајот на првенството, ПСЖ има 87 бода на првото место на табелата, Монако остана втор со 70 бода, додека следуваат Лион и Марсеј со 66.

L’AS Monaco a pris la décision de rembourser les supporters Rouge et Blanc présents dans la tribune visiteurs ce soir. Les modalités seront communiquées en début de semaine. #PSGASM #PartoutToujours pic.twitter.com/V8vGNyaA3V

— AS Monaco ?? (@AS_Monaco) April 15, 2018