Кинеската влада донесе бизарна одлука, не се поштедени ниту репрезентативците

Кинеските репрезентативци се соочуваат со бизарен проблем, но кинеската влада им нареди и мораат да ги почитуваат правилата.

Кина неодамна беше поразена од Велс во пријателскиот натпревар, а нејзините репрезентативци мораа да внимаваат, односно да ја почитуваат забраната која ја воведе владата. Имено, забраната за тетоважи која е воведена од јануари ќе се однесува дури и на репрезентативците.

Така, кинеските фудбалери носеа завои на деловите од делото на кои имаат тетоважи, а сега се поставува прашањето дали забраната се однесува само на националните тимови или и на лигата, бидејќи во Супер лигата голем број на играчи од Европа имаат голем број на тетоважи по телото.

Карлос Тевез и Лавеци би можело да имаат сериозни проблеми поради тоа, а тоа ќе го решат со носење на дресови со долги ракави или пак со ставање на завои. Инаку, Кина во „војна со тетоважите“ влезе поради промовирање на кинеските вредноси и „здравата култура“.