Лорис со пофални зборови за Погба: Кога е спремен, тој е еден од најдобрите

Францускиот голман, Хуго Лорис имаше пофални зборови за сонародникот Пол Погба, иако тој во последно време има многу големи критики.

Некогаш најскапиот фудбалер во светот во последно време не игра во првата постава на Манчестер Јунајтед но Лорис смета дека тој се уште е еден од најдобрите во светот.

„Можеби оваа сезона беше малку комплицирана, но често беше повреден и тоа е една од причините поради која не беше постојано на терените. Но, тој веќе докажа во Манчестер Јунајтед и во репрезентацијата на Франција дека е еден од најдобрите во светот кога е 100% спремен. Сега е и поискусен и тоа сигурно дополнително ќе му помогне“, изјави Лорис.

Потсетуваме, Погба оваа сезона во сите натпреварувања одигра 27 натпревари и постигна три гола со 10 асистенции. Поранешниот играч на Јувентус, според пишувањето на француските медиуми, би требало од клупата да го започне натпреварот против Колумбија, поради проблемите со формата.