Балотели до Алвеш: Можеше тоа да го задржиш за себе, зборуваш глупости

Овие денови светот е преполн со емотивни пораки до трагично починатиот фудбалер на Фиорентина, Давиде Астори.

Додека сите фудбалери и клубови испраќаа емотивни пораки се издвојуваше онаа на Дани Алвеш која предизвика бура од реакции во медиумите. За оваа изјава повеќе прочитајте ТУКА.

Изјавата на Алвеш јавно ја критикуваше и фудбалерот на Ница, Марио Балотели.

„Можеби е точно тоа што го кажа, но во ваквите тажни моменти мораше да го задржиш за себе. Доволно беше само да изразиш сочуство на неговото семејство и пријатели, вака зборуваше само глупости. Навистина не е во ред на таков начин да коментирате нечија смрт. Астори беше неверојатно момче, го познавам игравме заедно во репрезентациите. Многу жалам што поради обврските кон Ница не сум во можност да присуствувам на неговиот погреб“, изјави Марио Балотели.