Одлични вести за Барселона: Кутињо аплицирал за пасош од друга држава

Бразилскиот фудбалер, Филипе Кутињо оваа зима пристигна во Барселона од Ливерпул за рекордни 142 милиони фунти.

За каталонскиот клуб до сега постигна еден гол и најдобрите работи од него се очекуваат, а за Барселона пристигнуваат добри вести кои не се директно поврзани за фудбалските терени.

Имено, Кутињо поднел барање за добивање на португалски пасош со што би го загубил статусот „странски“ фудбалер. Португалија е земја членка на Европската унија, па така во Барселона би се отворило место за нови фудбалери кои не доаѓаат од такви земји. За сега такви се Кутињо, Мина и Паулињо.

Она што Кутињо го овозможува да добие португалско државјанство е фактот дека е оженет со Португалката Аино и тоа подолго од три години, што е главен услов за добивање на пасош од таа земја. За оние кои не знаат, сличен потег направи и Луис Суарез кој, освен уругвајскиот, поради сопругата Софија Балби има и италијански пасош, па не се води како странски фудбалер во Барса.