„Црвените ѓаволи“ кренаа раце, сега Тотенхем е фаворит за неговиот потпис?!

Се пишуваше и пред сагата за Алексис Санчез, дека Манчестер Јунајтед е заинтересиран да го донесе фудбалерот на ПСЖ, Лукас Моура.

Итроногиот Бразилец падна во втор план во „Градот на светлината“, откако летово Парижаните се засилија со Нејмар и Мбапе.

Постигна само еден погодок оваа сезона, ниту еднаш не се најде во стартната постава, а ПСЖ е подготвен да ги сослуша сите клубови кои се заинтересирани да го откупат неговиот договор.

Манчестер се посвети на ангажманот на Алексис Санчез, па се верува дека од Моура кренаа раце, а како фаворит во овој момент за неговиот потпис е екипата на Тотенхем.

Спарси и претходно беа поврзувани со некогашниот фудбалер на Сао Паоло, а сега повторно покажаа интерес за неговите услуги.

Моура би сакал да заигра во Премиер лигата, ваквиот расплет звучи сосем логично, на Тотенхем му недостасува крилен фудбалер.