Дванаесет години од незаборавното финале во Инстанбул – Само уште еден „актер“ се уште активно игра фудбал!

Многу фудбалски навивачи кои го гледаа овој натпревар во 2005. година никогаш нема да го заборават финалето во Лигата на Шампионите помеѓу Милан и Ливерпул.

Во финалето во Истанбул, Милан по првите 45 минути водеше со 3:0, но Ливерпул не се предаде, успеа да го израмни резултатот на 3:3 и да избори продолжение, а подоцна и пенали. Тогаш, херојот на „Црвените“ беше легендарниот полски голман Дудек, а тој натпревар и ден денеска е тема за многу дебати.

Ние ви ја пренесуваме информацијата дека уште еден фудбалер од тоа финале пред 12 години се уште игра активно фудбал, а веројатно не сте го знаеле тоа. Откако легендраниот Џерард се збогуваше со фудбалот, а пред неколку дена и Кака, остана уште само тој – Милан Барош. Станува збор за напаѓачот кој се прослави на Европското првенство 2004. година во Португалија, а во истанбулското финале играше во старната постава.

Денес, 12 години подоцна, овој 36-годишен напаѓач е член на екипата Баник Острава, а доказ дека се уште не заборавил да игра фудбал е фактот дека тој во тековната сезона има постигнато седум гола на 15 одиграни натпревари. Во богатата фудбалска кариерата Барош ги носеше дресовите на неколку европски гиганти, а освен за Ливерпул, играше за Астон Вила, Лион, Галатасарај, Портсмут…