Ибра го исмејуваше англискиот репрезентативец: Кабелот одигра подобро од него…

Поранешниот фудбалски ас, Златан Ибрахимовиќ, кој сега е аналитичар на „Фокс“ за Светското првенство, остро го нападна Нони Мадуеке по неговиот слаб настап во четвртфиналето против Норвешка.

Иако Англија стигна до полуфиналето, Мадуеке не покажа ништо впечатливо против скандинавците, а ваквата негова игра не помина незабележано од страна на Ибрахимовиќ.

“Англија практично играше со играч помалку во тој период. Секогаш кога Мадуеке ќе ја прими топката, донесуваше погрешни одлуки и беше како да шета по теренот. Да бев тренер, веднаш ќе го заменев. За првите 45 минути не покажа ништо ефективно,” изјави Ибрахимовиќ.

Натпреварот стана контроверзен поради првиот гол на Англија кога топката ја удрила жицата од камерата, што Ибрахимовиќ го искористи за споредба со Мадуеке.

“Ако топката погодила кабел, тогаш тој кабел одигра подобро од Мадуеке,” додаде тој.

Исто така, го изрази своето мислење за првиот гол на Англија.

“Не е важно дали е на почеток или на крај од натпреварот. Правилата се правила. Ако топката удрила кабел од камерата и ја промени насоката, тоа е надворешно влијание на играта. Судечката тројка требаше веднаш да го прекине играњето. Сите зборуваат за завршницата на Белингам. Да, беше впечатлива, но првичното прашање е: ‘Дали тој напад требаше да се продолжи?’ Според правилата, не,” посочи Златан.