Започнува Светското првенство: Од денеска го важи правило на Винисиус

ФИФА пред два месеца го предложи, а ИФАБ на посебна сесија во Ванкувер едногласно одобри две промени на Правилата на фудбалската игра.

Тоа е највисокото и најстарото тело одговорно за утврдување и измена на правилата на фудбалската игра. Организацијата ја потврди примената на новите правила, кои стапуваат на сила за Светското првенство кое започнува денес, со натпреварот меѓу Мексико и Јужна Африка кој се игра од 21 часот, потсетува El Mundo.

ФИФА во Ванкувер го одобри правилото наречено „Лекс Винисиус“ или „Винисиусов закон“. Ова правило ќе резултира со црвен картон за секој што ќе ги покрие устата за да каже нешто на противникот. Со ова се исполнува најавата која пред неколку месеци ја соопшти Џани Инфантино.