Вардар доби санкција од УЕФА – 250.000 евра и условна казна од три години!

Вардар е казнет од Европската фудбалска асоцијација (УЕФА) со 250.000 евра, а истовремено доби и условна санкција во траење од три години, во која ќе биде под засилен надзор.

Како што информира извршниот директор на клубот, Миленко Неделковски, казната се однесува на сезоната 2023/24 и е изречена поради утврдени неправилности во финансиското работење, како и сомнежи за двојни договори и неправилности во документацијата.

Од УЕФА е спроведена и долготрајна ревизија во клубот, која траела околу десет месеци, по што е донесена конечната одлука за санкции.

Условната казна значи дека Вардар ќе биде под посебно следење во следните три години, а секое ново прекршување на правилата на европската куќа на фудбалот може да донесе уште построги мерки и дополнителни санкции.