Селекторот на Винченцо Монтела денеска го соопшти поширокиот список на фудбалери на репрезентација на Турција за подготовките пред настапот на Светското првенство кое ќе се игра ова лето.
Турција во рамките на подготовките ќе одигра и контролен натпревар против Фудбалска репрезентација на Македонија, а италијанскиот стратег за оваа акција повика 35 фудбалери. До стартот на Мундијалот, списокот ќе биде скратен на конечни 26 имиња.
Меѓу најзвучните имиња во составот се младите ѕвезди Арда Ѓулер од Реал Мадрид и Кенан Јилдиз од Јувентус, како и искусниот Хакан Чалханоглу, кој ќе има една од клучните улоги во тимот.
Пријателскиот натпревар меѓу Турција и Македонија е закажан за 1 јуни во Истанбул, додека вториот тест Турците ќе го одиграат на 7 јуни против Венецуела во Форт Лодердејл.
Учество во игри на среќа е дозволено за лица со 18+ години. Играј одговорно!