Пелистер се потпиша со среден бек од Партизан, но и најави уште едно ново име!

Актуелниот македонски првак Пелистер продолжува со засилувањата за новата сезона, откако клубот официјално објави дека постигнал договор со словенечкиот среден бек Миха Котар. Ракометарот стави потпис на двегодишна соработка и во Битола пристигнува од редовите на српскиот шампион Партизан.

Котар во својата кариера настапуваше за Тримо Требње и Словељ Градец, а во изминатите две сезони беше дел од составот на Партизан, каде што стекна дополнително искуство на регионалната сцена.

Од Пелистер информираат дека неговата официјална промоција е планирана за јули, на самиот старт од подготовките за претстојната сезона.

Воедно, од битолскиот клуб најавуваат дека работат на ангажман на уште еден ракометар на позицијата среден бек, но засега не откриваат конкретни имиња.