Тренерот на францускиот ПСЖ, Луис Енрике, пред натпреварот од Лигата на шампионите против Ливерпул на Енфилд, раскажа интересна анегдота од неговото минато и откри дека некогаш го доживеал овој легендарен стадион како обичен навивач. Шпанскиот тренер доаѓа во Англија со предност од 2:0, но е свесен за уникатната атмосфера која го следи гостувањето кај Редси.
“Тоа беше многу посебно искуство”
На прес-конференцијата пред натпреварот, Енрике сподели дека на почетокот на 2000-тите, не долго по завршувањето на кариерата како играч, го посетил Енфилд не како спортист, туку како обичен навивач на познатата трибина Коп. На прашањето од новинарите за тоа искуство, со насмевка одговори:
Исхрана, повреди и тренинг – совети од доктор по спортска медицина | Уште еден поткаст
“Добро прашање, од каде знаете? Не се сеќавам точно кој натпревар беше, но беше многу убаво. Сакав како навивач да го доживеам еден од најдобрите стадиони во светот. Беше тоа посебно и сосема различно од тоа што го доживував како играч.”
И открива дека до влезни билети дошол преку неговиот поранешен соиграч Луис Гарсија, кој тогаш играше таму. “Тој ми ги среди картите, и навистина уживав, беше многу посебно искуство”, додаде Енрике.
Свесен за предизвикот иако има предност
И покрај тоа што како играч веќе настапувал на Енфилд, Енрике признава дека доживувањето од трибините беше единствено. Токму поради тоа искуство, сега, како тренер, ја цени атмосферата која го чека таму. Со неговиот тим пристигнува како актуелен европски шампион и со значајна предност од првиот натпревар, но тренерот на ПСЖ добро знае колку Енфилд може да биде непријатен терен за противниците.
Неговата приказна за посетата на Коп само потврдува колку е свесен за големината и уникатноста на стадионот, на кој ќе бараат поминување во следната фаза на натпреварувањето.
Учество во игри на среќа е дозволено за лица со 18+ години. Играј одговорно!