Куртоа се повреди, познато и колку ќе паузира!

Голманот на Реал Мадрид, Тибо Куртуа, заработи повреда на десниот квадрицепс за време на натпреварот од Лигата на шампионите против Манчестер Сити, соопшти денеска шпанскиот клуб.

Реал не откри конкретен период на отсутност, но шпанските медиуми известуваат дека белгискиот голман најверојатно ќе изостане околу шест недели.

Според “Марка”, Куртуа почувствувал болка пред почетокот на мечот со Манчестер Сити, но сепак го одигра првото полувреме пред да биде заменет.

Оваа сезона, Куртуа собра 41 натпревар за Реал во сите натпреварувања.

Реал моментално е втор на табелата во шпанското првенство со 66 поени, а во Лигата на шампионите ги очекува четвртфиналниот двомеч против Баерн.