Фудбалерот на Олимпик од Марсеј, Мејсон Гринвуд, кој не се наоѓа во плановите на селекторот на Англија Томас Тухел, има шанса да настапи за репрезентацијата на Јамајка на претстојното Светско првенство. Оваа идеја наиде на неодобрување од страна на јамајканските фудбалери, кои сметаат дека тоа не би било фер бидејќи Гринвуд го игнорирал нивниот претходен повик.
Младиот играч, роден во Бредфорд пред скоро четврт век, доживеа големо оживување во последните две сезони по неговиот трансфер во Марсеј, но тоа не му помогна да се врати во англиската репрезентација, каде што има само еден настап од 2020 година.
Од лозје до чаша: Уметноста на виното со Теодор Бојаџиев | Уште еден поткаст
Јамајка може да ја искористи оваа шанса, бидејќи сè уште има шанси за пласман на Мундијалот, но јамајканските фудбалери се противат на тоа.
„Доколку некој играч не е подготвен да се обврзе за последниот круг квалификации, освен ако не е повреден, не гледам причина зошто би се приклучил во март или на крајот од сезоната доколку се квалификуваме. Тоа нема да се дозволи“, изјави Ајзак Хајден, кој игра за клубот Квинс Парк Ренџерс.
Овој играч потоа додаде дека не се доведува во прашање квалитетот на Гринвуд, но дека постојат поважни аспекти.
„Ако играчите треба само да се појават поради Светското првенство, тогаш тоа би ја претворило целата работа во фарса. Тоа би зборувало многу за играчот и организацијата која тоа го дозволила“, додаде Хајден.
Да потсетиме, Јамајка во март ќе има бараж натпревар за пласман на Светското првенство. Тие ќе се соочат со Нова Каледонија во полуфиналето, а победникот ќе игра против ДР Конго.
Учество во игри на среќа е дозволено за лица со 18+ години. Играј одговорно!