Видео: Играч на ПСЖ вреден 90 милиони евра го напушти теренот на носила, а стадионот на патерици

Во 10-то коло од француското првенство, ПСЖ не успеа да го победи Лориент (1:1), а загуби и еден важен играч.

Дезире Дуе (20), крилен напаѓач на шампионот на Франција и Европа, во 63-та минута од натпреварот падна додека трчаше и остана да лежи плачејќи од болка. Таа ситуација можете да ја погледнете ОВДЕ.

Теренот го напушти на носила, а подоцна го напушти и стадионот со помош на патерици. Изгледа дека го повредил бутниот мускул на десната нога, но повеќе детали ќе бидат откриени во наредните денови. Дуе го напушти стадионот на патерици.

Ова е нова сериозна повреда за Дуе, кој неодамна се врати на теренот, бидејќи во септември пропушти шест натпревари поради повреда на листот. “Секогаш е лоша вест кога некој се повредува,” изјави Луис Енрике по натпреварот. “Станува збор за необична повреда и сеуште не знаеме колку е сериозна. Се надевам дека нема да биде тежок случај.”