Савињо блиску до нов договор со Ман Сити

Крилото на Манчестер Сити Савињо е блиску до договор со клубот за нова соработка. 21-годишниот фудбалер дојде од Троа во 2024 година. Од тогаш има одиграно 48 натпревари за „граѓаните“ и има постигнато три гола. Летово имаше понуда за него од Тотенхем, но трансферот не се оствари.

Бразилскиот репрезентативец одигра четири натпревари од почетокот на сезоната и го постигна првиот свој гол во натпреварот против Хадерсфилд во Купот на лигата. Денес Пеп Гвардиола ги коментира неговите квалитети:

„За напаѓачите секогаш броевите се важни – голови и асистенции. Савињо создаваше многу минатата сезона, но во завршната фаза беше малку хаотичен. Сè уште учи, бидејќи е многу млад. Тој ќе биде играч од највисока класа, бидејќи може да игра на двете крила, има брзина и многу работи. Ќе направи тој чекор и ќе биде топ играч за Ман Сити.