Македонските ракометарки го освоија „Трофеј Македонија“

Фото: РФМ

Турнирот „Трофеј Македонија“ во женска конкуренција заврши со реми (25:25) помеѓу селекциите на Тунис и Египет. Тој резултат на крајот им го донесе првото место на македонските ракометарки.

Египќанките беа поблиску до победа во самиот финиш, но Тунис со упорна игра успеа да избегне пораз. Нерешениот исход, пак, најмногу им одговараше на Македонките, кои благодарение на службената победа против Грција веќе беа на чекор до пехарот.

Со ова, Македонија заслужено се закити со трофејот во Охрид, додека зад неа се пласираа Грција, Египет и Тунис.