Најскапото засилување во историјата на Аталанта заминува во Турција

Напаѓачот Ел Билал Туре (23) ја напушти Аталанта и ќе ја доигра сезоната на позајмица во редовите на турскиот гигант Бешикташ, со опција за откуп на договорот, потврди италијанскиот клуб.

Туре пред две години пристигна од Алмерија за сума над 30 милиони евра, што го направи најскапото засилување во историјата на клубот од Бергамо.

Сепак, неговата авантура во Италија не се одвиваше според очекувањата. Веднаш по доаѓањето претрпе сериозна повреда на тетивата на коленото, што го одржа надвор од теренот до февруари. Минатата сезона ја помина на позајмица во Штутгарт, а сега се сели во Истанбул.

За Аталанта одигра 17 натпревари и постигна три гола, додека истата статистика ја имаше и во Штутгарт (17 настапи, три голови).