Баерн се договори со Николас Џексон

Баерн Минхен постигна договор со напаѓачот на Челзи, Николас Џексон, јавува “Билд”.

Како што е познато, баварскиот клуб интензивно бара засилувања во нападот, затоа што имаат премногу малку алтернативи. Според зборовите на раководството на Баерн, германските шампиони ќе бараат само играчи на заем, а не постојани трансфери.

Челзи, пак, сакаат да се разделат со 24-годишниот сенегалски напаѓач, кој стана вишок на “Стенфорд Бриџ”.

Секако, тоа не значи дека договорот е сигурен, бидејќи не е јасно дали Челзи ќе се согласи да го даде напаѓачот само на заем. Дополнително ќе се види дали ќе се постигне договор меѓу клубовите и какви услови ќе има евентуалниот трансфер.

За Џексон има сериозен интерес и од клубови како Њукасл и Астон Вила. Сенегалецот премина во Лондон од Виљареал за 32 милиони фунти во 2023 година, но не успеа да се наметне како стандарден играч.