Македонските млади кошаркари ја победија Швајцарија и дојдоа на чекор од четвртфинале!

По ден пауза, младинското Европско првенство (дивизија Б) што се одржува во Ереван повторно донесе драматични моменти, а македонската селекција одигра клучен натпревар во својата група. Во четвртото коло од групата Ц, нашите млади кошаркари се соочија со селекцијата на Швајцарија и успеаја да дојдат до исклучително значајна победа – 81:82, со која остануваат во игра за пласман во следната рунда.

По четири одиграни натпревари, момците на селекторот располагаат со биланс од две победи и два пораза, што ги одржува во борбата за место меѓу најдобрите осум селекции.

Петмина кошаркари имаа двоцифрен ефект на натпреварот, а најзабележителен беше Кечовски кој погоди пет тројки од седум обиди и мечот го заврши со 16 поени и 4 скока. Ист број поени постигна и Стојковиќ, кој додаде и 5 асистенции и 4 скока. Иванов се истакна со 14 поени и 5 скока, Ќириловски со 12, а Луканоски запиша 11 поени и 6 скока.

Утре следува директен дуел за пласман во четвртфиналето против Данска, но покрај нашата евентуална победа, за место меѓу осумте најдобри ќе ни биде потребна и помош од Австрија – која треба да ја победи Холандија.