Ужас: 18-годишен аргентински фудбалер почина на операција!

Аргентинските медиуми соопштија за трагичната смрт на 18-годишниот фудбалер Камило Нуин за време на операција на коленото.

Целиот хируршки зафат бил насочен кон поправка на менискусот и предните вкрстени лигаменти, за да се стабилизира состојбата на играчот, но за жал, резултираше со трагичен исход.

Додека причината за смртта сè уште не е обелоденета од страна на клубот и локалните власти, аргентинските медиуми наведуваат дека истрагата е во тек.

Атлетико Сан Телмо, клубот на Нуин, изрази жалење преку официјална порака:

“Со длабока тага се простуваме од нашиот играч, кој утрово нè напушти. Во овие тешки моменти сме со неговото семејство, пријателите и најблиските. Твојата трага ќе остане во клубот. Почивај во мир”, се вели во пораката од клубот.

Исто така, Аргентинската фудбалска федерација (AFA) изрази сочувство до семејството на играчот по оваа огромна трагедија.

𝐒𝐀𝐍 𝐓𝐄𝐋𝐌𝐎 𝐃𝐄 𝐋𝐔𝐓𝐎 Con profundo dolor despedimos a Camilo Nuin, jugador de la Reserva, quien falleció esta mañana. Acompañamos en este duro momento a su familia, amigos y seres queridos. Tu huella queda en el club. QEPD. pic.twitter.com/rLxKfDwbHQ

— Club Atlético San Telmo (@clubsantelmo) June 25, 2025