Фудбалската репрезентација на Македонија направи чекор напред на најновото рангирање на ФИФА, откако јунискиот прозорец го заврши без пораз со реми против Белгија (1-1) на домашен терен и минимална победа над Казахстан (1-0) на гостински.
Улични кучиња: Системски или човечки проблем? | Уште еден поткаст
Овие резултати ни донесоа скок од четири позиции, па „црвено-жолтите“ сега се наоѓаат на 63-тото место на светската ранг-листа.
На врвот нема промени, Аргентина останува лидер, а зад неа се Шпанија, Франција, Англија и Бразил. Португалија се искачи на шестото место, прескокнувајќи ја Холандија, која сега е седма. Белгија, против која одигравме солиден меч во Скопје, е осма на листата. Деветтата позиција ја држи Хрватска, која напредуваше за две места, а Топ 10 ја комплетира Италија.
Во нашата квалификациска група, покрај Белгија, Велс се наоѓа на 30-тото место, бележејќи пад од една позиција. Казахстан е 114-ти, додека Лихтенштајн останува меѓу најслабите селекции на 204. место од вкупно 210 земји под капата на ФИФА.
Учество во игри на среќа е дозволено за лица со 18+ години. Играј одговорно!