Фудбалскиот клуб Шкендија од Арачиново, кој од следната сезона ќе се натпреварува во Втората македонска фудбалска лига, нема да ги игра своите натпревари на домашен терен во родното Арачиново. Наместо тоа, клубот информираше преку социјалните мрежи дека како домашен стадион ќе го користи теренот во скопската населба Маџари – „Борис Трајковски“.
Оваа локација не е непозната за љубителите на фудбалот. Во изминатата сезона таму своите натпревари ги одигруваше тимот на Гостивар, кој по повлекувањето од Првата лига беше испратен во најнискиот натпреварувачки ранг. Истиот стадион претходно беше користен како алтернатива и од скопските прволигаши Вардар и Работнички.
Време е за спектакл: Македонија - Белгија! ↓↓↓
Иако клубот од Арачиново важи за еден од оние со најмногубројна и лојална поддршка, фановите следната сезона ќе мора да патуваат до Маџари за да го бодрат својот тим на второлигашките натпревари.
Учество во игри на среќа е дозволено за лица со 18+ години. Играј одговорно!