Иако ја освои титулата во Првата македонска фудбалска лига, Шкендија нема да има повластена позиција во квалификациите за Лигата на шампионите. Тимот од Тетово се наоѓа во групата на неносители и на стартот од европската авантура ќе добие противник со повисок коефициент и посилна репутација.
Македонските клубови, генерално, немаат значајни резултати на европската сцена, што резултира со понизок национален коефициент, па така и Шкендија, слично како Вардар, Работнички и Силекс во квалификациите за Конференциската лига, ќе влезе во ждрепката како аутсајдер.
Вардар, Работнички, Силекс, Шкендија – Кој ќе блесне во Европа!? ↓↓↓
Меѓу можните противници за шампионот на Македонија се екипи како бугарскиот Лудогорец, романската Стеауа (ФЦСБ), Олимпија Љубљана од Словенија и шведскиот Малме, клубови со сериозно европско искуство.
Ждрепката за првото квалификациско коло ќе се одржи на 17 јуни во седиштето на УЕФА во Нион.
Учество во игри на среќа е дозволено за лица со 18+ години. Играј одговорно!