Меси веќе стана рекорд во МЛС – го симна Игуаин од врвот!

Лионел Меси постигна гол против Торонто и веќе сега стана рекордер на Интер Мајами.

Торонто водеше по прекрасниот соло продор на Италијанецот Федерико Бернардески во втората минута од судиското надополнување на првото полувреме, но на полувреме се отиде со резултат 1:1 бидејќи Меси погоди во петтата минута од надополнувањето.

Меси ја прими топката на работ на казнениот простор и од волеј го совлада голманот на Торонто за 1:1.

Тоа беше 24-ти погодок за Меси во дресот на Интер откако пристигна во клубот од Мајами во летото 2023. година.

Со оглед на тоа дека Меси има и 20 асистенции за Интер, стана рекордер на клубот по учество во голови во МЛС лигата.

🇺🇸 Leo Messi, Inter Miami’s all-time leading goal contributor in MLS with 44 G/A after tonight’s goal.

8 G/A in 8 games for Inter Miami this year, goal again… and 856 career goals for Messi. 🇦🇷 pic.twitter.com/o9gzmO3zlB

— Fabrizio Romano (@FabrizioRomano) April 7, 2025

Меси директно учествуваше во 44 гола на Интер во 29 одиграни натпревари и го симна од тронот својот сонародник Гонзало Игуаин.

Игуаин учествуваше во 44 гола на Интер во 67 натпревари, а следната цел на Меси е да го симне Игуаин од врвот на листата на стрелците на Интер. За тоа му се потребни уште пет гола.