Мурињо влезе во „војна“ со свој фудбалер: Го избрка затоа што бил „дебел“ и мрзлив, па доби неочекуван одговор

Тренерот на Фенербахче Жозе Мурињо јавно го критикуваше својот играч Алан Сен-Максимин, нарекувајќи го „мрзелив и дебел“.

Сен-Максимин, кој е на заем од саудискиот Ал Ахли, беше изоставен од тимот за реваншот во осмина финалето на Лига Европа против Ренџерс и ги пропушти последните пет првенствени натпревари на клубот, поради што се огласи на социјалните мрежи.

„Кога лагата ќе тргне со лифт, вистината оди по скали. Потребно и е подолго, но на крајот стигнува“, напиша Французинот.

Мурињо на свој начин одговори на Сен-Максимин, изјавувајќи дека не знаел дека е поет.

📲 Алан Сен-Максимин, после изјавите на Жозе Мурињо, ја објави својата тежина од 2022 година и актуелната тежина.

„Лагите се како цвеќиња, но не даваат плод.“ pic.twitter.com/h2UyhZCBEE

— Fanatik (@fanatikcomtr) 13 март 2025

„Не знаев дека Сен-Максимин има талент за поезија. Ни јас не сум лош во тоа. Кога фудбалерот добро работи, постојано и напорно тренира, може да биде во добра форма и да се искачува по скалите. Не му е потребен лифт. Од друга страна, ако играчот не тренира добро, доцни, има вишок килограми и не е спремен за натпревар, тогаш му треба лифт – затоа што наскоро ќе се измори на скалите“, изјави Мурињо.

Сен-Максимин потоа на Инстаграм објави фотографии кои покажуваат дека неговата тежина е иста уште од 2022 година, додавајќи:

„Лагите ви даваат цвеќиња, но не донесуваат плод.“