Енрике: Двата тима заслужија да поминат, но мислам дека ние бевме малку подобри

Тренерот на Пари Сен Жермен, Луис Енрике, изјави дека и неговиот тим и Ливерпул заслужија да се пласираат во четвртфиналето на Лигата на шампионите, но дека неговите фудбалери покажаа карактер во реваншот од осминафиналето на Енфилд, во кој победија по изведување пенали.

„Двете екипи заслужија да поминат во следната фаза, играа подобро од нас овде, но мислам дека мојот тим на Енфилд, на овој посебен стадион, покажа карактер, дури и кога шутиравме пенали, покажавме каков тим сме. Се обидовме да играме најдобро што можеме, но беше тешко бидејќи тие се толку интензивни”, изјави Енрике, пренесе Би-Би-Си..

Фудбалерите на Пари Сен Жермен синоќа победија во Англија против Ливерпул со 4:1 по изведување пенали, откако во регуларниот дел од натпреварот и по продолженијата со голот на Усман Дембеле го надоместија недостигот од првиот натпревар на Паркот на принцовите минатата недела.