ШТО ЛИ Е ТОА ПОРАЗ? Ѕвездата на Сити точно година дена не загуби натпревар

Не можат премногу фудбалери да се пофалат дека за една година не знаат како да загубат натпревар. Сепак, еден жител на „Етихад“ е еден од нив.

Габриел Хесус пристигна во јануари и веднаш покажа дека се прилагоди на дождливиот Манчестер и жешкиот ритам во Премиер лигата. Во овие 10 месеци постигна 15 гола во 23 настапи, а таа бројка би можела да биде поголема да не се повредеше на два месеци.

Сепак, Хесус има една прекрасна серија уште од татковината. Последниот пат загуби на 29. октомври минатата година. Тогаш беше во Палмеирас во родниот Сао Паоло. Не е поразен на ниту во еден конкурентен натпревар, вклучувајќи ги и натпреварите за Бразил.

На вкупно 35 натпревари за Палмеирас, Бразил и Сити, Хесус запиша 27 победи и 8 нерешени резултати.