Проблеми кај Роналдо: Претседателот поднесе оставка – властите го запоставуваат клубот?!

Ал Наср на Кристијано Роналдо веќе две години е без трофеј, а сосема поинакви беа плановите кога клубот го доведе португалскиот ас во своите редови. Сега клубот поминува низ не толку добри денови.

Навивачите и луѓето во раководството се незадовлни, сметаат дека властите ги туркаат нивните ривали (Ал Итихад, Ал Хилал и Ал Ахли), а нив ги испраќаат во заборав. Претседателот на клубот, Ибрахим Ал-Мухаидиб веќе поднесе оставка.

Медиумите кои се блиски до клубот објаснуваат дека повеќе не сакал да се бори кога гледал дека државниот врв го спречува во намерите да го направи Ал Наср најдобар клуб во Азија.

„Неговиот план беше Ал Наср да стане најдобар клуб во Азија, но не му дозволуваат да ја оствари целата и во овој момент нема надеж дека е можно да се оствари такво нешто“.

Според нив Инвестицискиот фонд кој е во сопственост на државата ги форсира споменатите три клуба и Ал Наср добива многу помала помош. Ал Наср со помош на фондот го доведе Роналдо и му даде договор од 200 милиони евра по сезона и тоа беше почетокот на фудбалската револуција во Саудиска Арабија бидејќи подоцна за останатите клубови потпишаа бројни познати имиња од европскиот фудбал.

Al Nassr is the least financed club by the PIF despite being the club who brought the most attention to the Saudi League.

We are constatly told that there’s no favoritism or bias. Lies ! pic.twitter.com/8cJNZGeEM6 — TCR. (@TeamCRonaldo) August 20, 2024