Шпанецот го напушти РК Вардар, продолжува во Косово

Само три месеци траеше соработката меѓу 33-годишниот Виктор Алонсо Гарсија и ракометниот клуб Вардар 1961.

Нема потврда од 15-кратниот македонски шампион и двократен европски првак, но има официјална информација од косовскиот Раховеци кој го потврди трансферот на шпанскиот десен бек.

И претходно настапуваше во Косово за екипата на Беса Фамгасин со која двапати беше шампион на таа земја.

Играше и за познати европски клубови како Портланд Сан Антонио, Адемар Леион и Кретеј.

Денеска скопските „црвено-црни“ ги очекува нов натпревар во домашната Супер лига, на домашен терен во малата сала на СЦ „Јане Сандански“ од 19.30 часот ќе играат против РК Бутел.