Алкараз ги избра најтешките противници на тврди подлоги. Ѓоковиќ на второто место

Вo тек е Мастерсот во Шангај, каде првите два носители се Шпанецот Карлос Алкараз и Русинот Даниил Медведев, откако првиот светски тенисер Новак Ѓоковиќ реши да направи мала пауза.

Алкараз турнирот ќе го започне против Французинот Грегори Баре, а Медведев против Чилеанецот Кристијан Гарин.

На неговата прва прес-конференција во Кина, Алкараз беше прашан: „Кој е најтешкиот противник на тврда подлога? Младиот Шпанец одговорил: „Медведев, мислам дека Медведев е тој. Потоа Ѓоковиќ, па Синер“.

Да потсетиме, Медведев неодамна го исфрли Алкараз во полуфиналето на УС Опен, а потоа во финалето беше поразен од Ѓоковиќ.