На само 20 години, Карлос Алкараз веќе има две грен-слем титули, последната која ја освои на Вимблдон привлече посебно внимание затоа што во финалето го победи Новак Ѓоковиќ.
Во интервју за „Л’Екип“, Алкараз зборуваше за тоа какво е чувството да се биде подобар од седумкратниот шампион на Вимблдон и која подлога му е омилена.
Од неколку парчиња пелени до успешен бизнис - Приказната за Балон Твистер ↓↓↓
„Кога ќе го победите Ѓоковиќ во грен-слем финале се чувствувате како малку подобар играч, Можеби луѓето сега поинаку ме гледаат бидејќи малкумина се оние кои можат да го победат. Кога ќе го совладате Ѓоковиќ во финалето тоа не може да биде обичен ден. Но, мене првото место на АТП и понатаму ми е најголема цел“, изјави Шпанецот.
Новинарите го запрашаа и што би земал од Ѓоковиќ, Надал и Федерер, Алкараз беше прецизен.
„Би го земал менталитетот од Рафа, класата и движењето на Федерер и сите удари на Ѓоковиќ затоа што се неверојатни“, изјави младиот тенисер.
Учество во игри на среќа е дозволено за лица со 18+ години. Играј одговорно!