Мурињо вчера не го заборави и холандскиот новинар кој го провоцираше 🎥

Жозе Мурињо беше посебно расположен по вчерашниот пласман на Рома во полуфиналето од Лигата на Европа.

Португалецот прво имаше шоу пред трибините, па во микс-зоната го „пецна“ Антонио Касано, за потоа на прес-конференција да не му остане „должен“ и на еден холандски новинар.

Пред натпреварот со Феенорд холандскиот новинар испрати провокација до Мурињо со прашањата за минатогодишното финале, а Мурињо не го заборави тоа.

„Имам подарок за тебе. Прекрасен е нели?“, му кажа Жозе на новинарот давајќи му привезок на минијатурен трофеј од Конференциската лига.

„Ова ќе му го дадам на нашиот тренер“, одговори новинарот, на тоа Мурињо возврати:

„Тоа е за да не плачете во наредните десет месеци. Ќе го освоите првенство, играте добро и не плачете“.

Jose Mourinho gave a Dutch journalist a keychain with the conference league trophy on it during his press conference#UEL #romfey pic.twitter.com/75or02YE6R

— Top of the league (@msk5_5) April 21, 2023