Италијанско дерби за Фирмињо

Италијанските гиганти Интер и Јувентус се силно заинтересирани за напаѓачот на Ливерпул, Роберто Фирмињо.

Актуелниот договор на Бразилецот истекува на крајот на сезоната и Бразилецот донесе одлука да замине како слободен агент.

Клоп сакаше да го задржи по секоја цена бидејќи верува дека ќе му биде корисен на тимот, но Фирмињо го известил клубот дека заминува.

Најсилен интерес за него покажуваат италијанските гиганти, па Бразилецот најверојатно ќе ја продолжи кариерата во Серија А.

Интер е во потрага по напаѓач бидејќи на крајот на сезоната Лукаку ќе се врати во Челзи.

Јувентус исто така има потреба од нов напаѓач, а Алегри верува дека Фирмињо одлично ќе се вклопи во неговиот стил на игра.