Заврши рокот да испраќње понуди: Кој ќе биде новиот сопственик на Манчестер Јунајтед?

Рокот за испраќање понуди за купување на Манчестер Јунајтед заврши, а засега во трка шеикот Ал Тани и Сер Џим Ратклиф.

Шеикот и претседател на конзорциумот од Катар, Јасмин Бин Хамад преку соопштение потврди дека испратил понуда.

„Шеикот Јасим Бин Хамад Ал Тани го потврди поднесувањето на понуда за стекнување на 100% акции од фудбалскиот клуб Манчестер Јунајтед“, се вели во соопштението. „Понудата е насочена за враќање на клубот кон поранешната слава“, се вели во соопштението на катарскиот конзорциум.

Покрај него, како и што се најавуваше понуда доставил најбогатиот човек во Велика Британија и голем навивач на Манчестер Јунајтед, Сер Џим Ратклиф. Неговата понуда била доставена неколку минути пред 23:00 часот вчера, кога рокот истекуваше.

Сега на потег е семејството Глејзер, па потоа ќе се знае кој ќе биде новиот сопственик на „црвените ѓаволи“.