Ибра најави враќање на терените: Целиот свет ќе дознае за тоа

Напаѓачот на Манчестер Јунајтед, Златан Ибрахимовиќ откри дека одлично се опоравува од повредата и наскоро ќе се врати на терените.

Ибра во свој стил го најави враќањето на терените, па изјави дека „целиот свет ќе дознае кога тој ќе се врати“.

„Коленото е речиси во ред, но му треба уште малку време за целосно да заздрави. Целиот свет ќе разбере кога ќе се вратам во игра. Продолжете да ме поддржувате, бидете трпеливи и ќе се вратам посилен од било кога“, изјави контроверзниот напаѓач.

Ибрахимовиќ потпиша договор за една година со „црвените ѓаволи“, откако стана јасно дека може да се врати на теренот многу порано од очекуваното. Напаѓачот е дури и пријавен за натпреварите од групната фаза во Лигата на шампионите.