Ракометарите добија дополнителна мотивација пред Светското првенство

Македонската ракометна репрезентација доби дополнителна мотивација пред почетокот на Светското првенство во Полска и Шведска.

Ракометната федерација на Македонија најави дека ќе додели премија од 30.000 до 60.000 за пласман во втората фаза во зависност од резултатите во првата.

Со пласман остварен со една победа ракометарите ќе добијат 30.000 евра, со две победи 45.000 евра, а три победи и прво место во групата би донеле 60.00 евра.

На Светското првенство Македонија ќе игра во група со Норвешка, Холандија и Аргентина на 13-ти, 15-ти и 17-ти. Првиот натпревар го играме во петок од 20:30 часот.