Кинеските милиони го мамат Маскерано

Каталонскиот гигнат Барселона би можел на крајот од оваа сезона да остане без еден од своите најдобри фудбалери, Хавиер Маскерано.

Според информациите кои што доаѓаат од Каталонија и Кина, Хавиер Маскерано е блиску до трансфер во Шангај СИПГ, вреден 50 милиони евра.

„АС“ денеска тврди дека Барселона веќе има договор за продажба на својот фудбалер и тоа во висина од 50 милиони евра што е двојно повеќе од сумата што Каталонците пред шест години ја платија за Маскерано на Ливерпул.

Проблемот е само дали Аргентинецот ќе прифати да се пресели во Кина бидејќи на крајот од оваа сезона ќе има полни 33 години, а одамна истакна дека му е сон кариерата да ја заврши во матичниот клуб Ривер Плате.

Маскерано во 2010 година пристигна во Барселона од Ливерпул и меѓу другото освои две титули во Лигата на шампионите во 2011 и 2015 година.