![](https://sportski.mk/wp-content/uploads/2017/09/02.09riyadmahrez.jpg)
Алжирскиот фудбалер, Ријад Марез сепак не ја напушти екипата на Лестер ова лето, иако имаше голема желба за тоа.
Марез на почетокот на летото побара трансфер од Лестер, а имаше многу заинтересирани екипи. Прва во редот беше Рома која испрати и неколку понуди на адресата на клубот од Премиер лигата, но нивните понуди беа одбиени.
Неубедливата Англија против Словачка, Шпанија против големата сензација! ↓↓↓
Проблем целото лето беше тоа што Лестер сакаше 50 милиони фунти за својот играч, а никој не сакаше да плати толку пари за Марез кој зад себе и нема баш најдобра сезона.
Марез во последниве денови од трансфер периодот ги напушти подготовките со репрезентацијата за наводно да го заврши трансферот, а некои медиуми известија дека е виден на аеродром во Барселона. Сепак, на крајот не дојде до договор ниту со една екипа и Марез остана во Лестер.
Сега тој има само една желба – да си замине од клубот во јануари. Тоа нема да биде голем проблем, бидејќи Лестер не игра европски натпреварувања оваа сезона и во кој клуб да се пресели во јануари, може да биде регистриран за натпреварите во Лигата на Шампионите или Лигата на Европа.