Депај од јануари во Премиер лигата

Мемфис Депај најверојатно ќе ја напушти Барселона во зимскиот преоден рок и кариерата ќе ја продолжи во Премиер лигата.

Депај и ова лето беше на излезна врата, но сепак остана во Барселона, каде не добива голема минутажа и е во втор план.

Поради тоа сака да ја промени средината, а и Барселона сака да се ослободи од него.

Најконкретен интерес за Холанѓанецот покажува Њукасл, кој сака да го доведе во зимскиот преоден рок.

Со оглед на фактот дека напаѓачот влезе во последната година од договорот, Барселона е спремна да го пушти за 10 милиони евра, сума која нема да биде проблем за премиерлигашот.