Њукасл спреми богата понуда за Асенсио

Марко Асенсио влезе во последната година од договорот и на крајот на сезоната сигурно ќе го напушти Реал Мадрид.

Шпанецот има голем избор на клубови кои го сакаа во своите редови, а сега во трката се приклучи и Њукасл.

Изминатите денови се појавија информации дека најсериозен е интересот на Барселона, која сака да го доведе како слободен агент на лето.

Меѓутоа, многу поголема е веројатноста Асенсио да се пресели во Премиер лигата каде интерес за него покажуваат Арсенал, Ливерпул и Њукасл.

„Чавките“ подолго време го следат Асенсио и наводно се спремни да испратат финансиски најдобра понуда до 26-годишниот Шпанец.