Дома Фудбал Франција Хаос на меч во Франција: Девет гола, пресврт, три црвени картони и прекин од 25 минути
Франција Фудбал

Хаос на меч во Франција: Девет гола, пресврт, три црвени картони и прекин од 25 минути

Објавено на 09:28, 13 September

Во француската втора лига Генгамп го победи Мец со 3:6 во рамките од осмото коло, а на овој натпревар се случуваше вистински хаос.

Освен што видовме девет гола беа покажани пет жолти картони, три црвени, имаше и прекин од 25 минути поради нереди на трибините.

Диск голф го освојува светот, а го нема во Македонија!? ↓↓↓

Натпреварот за Мец почна добро, Мец постигна гол во втората минута, сопствената мрежа ја погоди Винсент Мансо. Само пет минути подоцна Ливолант изедначи. Веќе во 10-тата минута „падна“ третиот гол, Жалоу погоди за 2:1, а после 16 минути игра Мец водеше со 3:1.

После ваквиот почеток изгледаше дека Мец нема да има проблеми и лесно ќе дојде до трите бода. Хаосот почна со глупоста на домашниот дефанзивец, Кики Кујате кој прво доби жолт картон, а потоа фрли нешто кон судијата и заслужено беше испратен во соблекувалната.

Генгамп во 45. минута стигна до 3:2, а две минути подоцна црвен картон доби домашниот голман Александре Оукица, Гаетан Куртет од белата точка изедначи на 3:3.

Трет црвен картон домаќините добија во 56. минута, опасно стартуваше Жан Жак Данли. Тогаш судијата го прекина натпреварот и ги испрати фудбалерите во соблекувалната затоа што навивач кој се качил на оградата му испраќал закани.

По прекинот од 25 минути натпреварот продолжи, а гостите ја искористија играчката предност и до крајот постигнаа уште три гола за победа од 3:6.

Коментари
Прочитајте поврзани статии
Load More In Франција

Проверете

Анчелоти: Реал Мадрид е најголемиот клуб во историјата

Карло Анчелоти е еден од тренерите со најбогата историја и во својата кариера седеш на клу…