Дома Фудбал Нов проблем за Вушковиќ по враќањето: Грбот го запре пред дербито со Вердер

Нов проблем за Вушковиќ по враќањето: Грбот го запре пред дербито со Вердер

Нов проблем за Вушковиќ по враќањето: Грбот го запре пред дербито со Вердер

Само неколку дена по емотивното враќање на теренот, Марио Вушковиќ повторно се соочува со пречка. Фудбалерот на ХСВ во средата не го заврши тренингот поради болки во грбот, објави германски НДР.

Засега нема информации за сериозноста на проблемот, ниту дали тој ќе влијае врз неговата достапност за неделното дерби со Вердер. Вушковиќ почувствувал болка за време на работата со екипата, по што го напуштил теренот и заминал во соблекувалната. Слични тегоби имал и минатата недела, иако тогаш по тренингот порачал дека се чувствува добро.

За 25-годишниот фудбалер ова доаѓа во момент кога ја чека првата официјална минута по четиригодишната суспензија. Во неделата настапи против Хајдук во ремито од 1:1, со што заврши неговата пауза од 1.467 дена без натпревар. Распродадениот „Фолкспаркштадион“ го поздрави со овации, а тој со солзи им се заблагодари на луѓето што го поддржувале во текот на отсуството.

Дуелот со Вердер, закажан за недела од 17:30 часот, би можел да му донесе и деби во Бундеслигата. Досегашните 40 настапи за ХСВ ги забележа во вториот ранг на германскиот фудбал.

Сепак, враќањето на правото за настап не значи и автоматско место во тимот. Тренерот Мерлин Полцин, чија екипа има големи проблеми со повредени играчи, претходно јасно стави до знаење дека Вушковиќ ќе мора преку тренинзите да покаже дека заслужува минутажа, исто како и останатите соиграчи.

Последниот официјален натпревар за ХСВ го одигра во ноември 2022 година. Потоа доби четиригодишна суспензија по позитивен допинг-тест на еритропоетин (ЕПО). Во текот на целиот случај Вушковиќ тврдеше дека не ја користел забранетата супстанција.

Коментари
Прочитајте поврзани статии
Load More In Фудбал

Проверете

Јувентус ја донел одлуката: Викарио останува, Тотенхем може да добие 10 милиони

Според италијанските медиуми, Јувентус планира да ја активира опцијата за откуп на Викарио…