ПСЖ сакал да се ослободи од Нејмар и го нудел на англиските клубови

По завршувањето на преодниот рок, француските медиуми пренесоа навистина неверојатна вест, а во главна улога е Нејмар.

Медиумите тврдат дека раководството на ПСЖ се обидело да го избрка Нејмар и да го продаде во Манчестер сити, но англискиот шампион не сакал да испрати понуда за бразилскиот репрезентативец.

Нејмар по пет одиграни меча во Лига 1 веќе запиша седум голови и шест асистенции, но прави проблеми во соблекувалната и нема најдобри односи со Килијан Мбапе.

Наводно, најголемиот проблем лежи во тоа што Нејмар веќе не е толку добар пријател со Мбапе, а тоа му штети на тимскиот дух, но и на атмосферата во соблекувалната.

Дури и во последните денови од преодниот рок ПСЖ го понудил Бразилецот на Челзи, но „сините“ ја одбиле можноста за негов трансфер.