Милан ги обнови преговорите за Зијех

Италијанскиот шамшион Милан ги обнови преговорите и прави уште еден обид да го ангажира Хаким Зијех.

29-годишниот Мароканец очигледно не е дел од плановите на менаџерот на Челзи и сака да ја промени средината ова лето.

Најсилен интерес за него покажува италијанскиот шампион Милан, а Зијех веќе има договор со „росонерите“.

Милан првично го сакаше фудбалерот на позајмица, но Челзи сака трајно да се ослободи од Мароканецот и е спремен да го пушти за сума од 10 милиони евра.

Милан ги има Алексис Салемекерс и Жуниор Месијас на таа позиција, но Зијех сигурно би бил големо засилување за „росонерите“.